حابيت حروف اسمة

في حد بحياتو عشق الحروف ؟؟؟
طب أقلكم إننا عشقتها وانا حاسة بخوف ...
خوف إن الحروف دي تتفك ويضيع إسمو من حياتي ...
إسمو اللي أنا عايشة عليه ...
إسمو اللي أنا بنام وبصحى عليه ...
إسمو اللي برددو لكل الناس حوليا ...
وبقولهم دا ليا ...
كل لحظة بحس إنو بيناديني وبيقولي متلفظيني ..
عشان يحرك جوايا كل حنيني ...
وساعتها بلاقي نفسي باصرخ وبقول بأعلى صوت ...
أنا بحبك .. أيوى بحبك موووت ...

هو إيه دا اللي مخليني ..دايما بتنفس هواك ...؟؟
هو إيه دا اللي مخليني .. متربطة كدا وانا مش معاك ..؟؟
باجي واروح وبدور عليك ...
بدور على نسمة تاخدني ليك ...
بدور على لمحة من عنيك ...
بدور على لمسة من إديك ...
بركض عشان أسمع كلمة من شفتيك ...

يا بختك بجد منتا لما ما بتكونش معايا اتأكد إن قلبي دايما معاك ..
خلي بالك منو لو سمحت عشان دا معدش ملك إديا ...
دا مخليني فاقدة الحرية ...
مش عايز حد غيرك من الدنيا ديا ...
أنا خلاص اتعودت على القسية ..
مهو مش بيسبني لحظة أنساك ..
دايما عشقاك ..
وقلبي الدايب متحكم بيا ...
وبنظرات عنيا ...
مهو حبك خلاص بقى باين عليا