فى ليلة باردة وسط الشموع

في ليله باردة وسط الشموع
سألت نفسي ليه الفرح الدايم ليا ممنوع
معقول عشان عزة نفسي ورفضي للخضوع
ولا عشان اتعودت على سيل الدموع
ولا عشان ما بقاش في قلب مش موجوع
ليه بقت عزة النفس كبرياء
وليه بقت طيبة القلب غباء
وليه بقت الصفات الحلوه حمقاء
بقت كلمة الحق بتوجع
والشاطر هو اللي يخدع
اكاديب بتنزل زي المطر
ودموع سهرانه ويّا القمر
الام وجراح تبكّي الحجر
والله يا قلبي حكايتك دي حكايه
دايما حيران ومش لاقيه لحيرتك نهايه
خلاص يا قلبي ده اللي شوفته كفايه
وريح بالك حبك حيكون اجمل بدايه
بداية حياه جديده
نروح لدنيا بعيده
معاه بس حكون بجد سعيده
حننسى مع بعض كل اللي فات
حننسى معنى الحزن والاهات
حنعيش سوى احلى الاوقات
مع اللي بفكر فيه طول الساعات
والايام وياه بتفوت كانها لحظات