حكاية حبى بدمعة قلبى

(((قالوا لسه صغيرة مالهاش في الحب والغرام)))
(((لكني حبيت وهويت قلب كان جمرة نار)))

سامحتوا وجيت علي قلبي كتير عشان ارضيه
كنت قبل ما انام افكر فيه وفي عنيه
كتير حلمت بيه وقولت قلبي مش هيكون غير ليه
سابني وقال حاجة بالنسباله عادية
قولتله حرام عليك فكر شوية
يا حبيبي حن عليا حس بيا وباللي فيا
قال ده قراري ودماغي عنادية
في يوم هتنسيني وتحبي وتعيشي حياة هنية
قولت لا ده انت نور عنيا
قلبي اللي حبك مش هيحب تاني
سكت ومردش وسابني في أحزاني
لايمكن يكون ده اللي في يوم هواني
مش ممكن يغيب عني وينساني
حبي ليه مخلانيش أخد قراري
بعد ما قالي مش عايز يفتكرني ونساني
معرفتش أرد وأقول اللي جوايا
فاض بيا وتعبت كفاية
سيبتو وقولت دي بداية النهاية
قومت بجرحي وشوفت نفسي في المرايا
فضلت أدعيله وأدعيله وهو مش معايا
قولت ياااااااااااااااااااااارب ماتوعدوه بيوم من اللي انا عايشاه
ياااااااااااارب أسعدو وماأشوفهوش حاسس بالعذاب اللي انا حاساه
وأرزقو بقلب تاني يصونوه ويهواه
ده حبيبي ولا يمكن أنساه............
دعيتله والدمع مالي العين
كل دمعة تنزل تنزف من كتر الويل
يارب عيني علي جراح الليل
والفرقة وشوقي أليه
لكل قلب بيقرا كلامي
ماتستغربش من غرامي
متستعجبش من قراري
هي دي حياتي أودامي
لو حسيت احساسي يبقا وصلك عذابي
لو حنيت لأشواقي يبقا وصلك حناني
انا حبيت وحسيت وهي دي جزاتي